At Bannockburn the English lay,—
The Scots they were na far away,
But waited for the break o' day
That glinted in the east.
But soon the sun broke through the heath
And lighted up that field of death,
When Bruce, wi' saul-inspiring breath,
His heralds thus addressed:—
"Scots, wha hae wi' Wallace bled—
Scots, wham Bruce has aften led—
Welcome to your gory bed,
Or to victorie!
"Now's the day, and now's the hour;
See the front o' battle lower;
See approach proud Edward's power—
Chains and slaverie!
"Wha will be a traitor knave?
Wha can fill a coward's grave?
Wha sae base as be a slave?
Let him turn and flee!
"Wha for Scotland's king and law
Freedom's sword will strongly draw,
Freeman stand or freeman fa'—
Let him follow me!
"By oppression's woes and pains!
By your sons in servile chains!
We will drain our dearest veins,
But they shall be free!
"Lay the proud usurpers low!
Tyrants fall in every foe!
Liberty's in every blow!
Let us do or die!"