Spring‑tide

Lenten ys come with love to toune,

With blosmen ant with briddes roune,

That al this blisse bryngeth;

Dayes-eyes in this dales,

Notes suete of nyhtegales;

Uch foul song singeth;

The rose rayleth hire rode,

The leves on the lyhte wode

Waxen al with wille;

The mone mandeth hire bleo,

The lilie is lossom to seo,

The fenyl ant the fille;

The mone mandeth hire lyht,

So doth the semly sonne bryht,

When briddes singeth breme;

Deawes donketh the dounes,

Deores with huere derne rounes

Domes forte deme;